Në seancën më të fundit të ritestimit të patentave, nga 42 kandidatë të riregjistruar, vetëm 6 arritën të kalonin provimin. Kjo tregon një normë të ulët suksesi për ata që përpiqen të rikthejnë lejen e drejtimit, pas heqjes së pikëve të patentës.
Nga qershori 2022 deri në shtator 2024, 191 persona kanë rifituar të drejtën për të drejtuar mjetin pas regjistrimit në autoshkollë, nga 1485 riregjistrime gjithsej.
Sipas të dhënave nga Drejtoria e Përgjithshme e Shërbimit të Transportit Rrugor, për të rifituar lejen e drejtimit pas heqjes së pikëve, kandidatët duhet të regjistrohen nga e para në autoshkollë.
