Dhjetëra mijëra përdorues të Facebook-ut në mbarë botën po raportojnë probleme me platformën, ndërsa raportimet e shumta sugjerojnë se rrjeti i njohur social po përballet me një ndërprerje të gjerë të shërbimit.
DownDetector, një faqe ku përdoruesit e internetit mund të raportojnë probleme dhe ndërprerje të shërbimeve online, regjistroi mbi 41.500 raportime që pretendonin se rrjeti social ishte jashtë funksionit pak pas orës 14:30 sot.
Një përdorues shkroi për Facebook-un: “Faqja e internetit duket se ka dalë jashtë funksionit gjatë minutave të fundit.”
Përdorues nga e gjithë bota po raportojnë vështirësi në qasjen si në faqen e internetit, ashtu edhe në aplikacionin e Facebook-ut. Probleme po hasin gjithashtu edhe përdoruesit që përpiqen të përdorin Messenger, aplikacionin e mesazheve të Facebook-ut. Gjithashtu probleme ka edhe Instagram, si edhe Business Suite.
