Një tjetër resort luksoz pritet të ndërtohet në Rivierën Shqiptare.
Sipas revistës “Rume Magazine”, dy studiot e mëdha të arkitekturës JA Joubert Architecture, në bashkëpunim me UNS Architects, shpallin zhvillimin e “Zig Zag Albania” në Himarë.
Aktualisht në fazë projektimi, projekti ka një gjerësi prej 30.000 metrash katrorë. Forma karakteristike “zig-zag” e resortit përfaqëson më shumë se një zgjedhje estetike; ajo është një përgjigje e menduar mirë ndaj topografisë dramatike të Rivierës Shqiptare, thuhet në artikull. Ky konfigurim linear siguron që çdo vizitor të shijojë pamje të pandërprera të bregdetit, duke ruajtur njëkohësisht vijën natyrore të peizazhit.
Çdo njësi akomodimi është orientuar me kujdes për të maksimizuar privatësinë dhe ekspozimin ndaj bregdetit, duke krijuar një lidhje intime mes vizitorëve dhe mjedisit të mrekullueshëm mesdhetar.
Resorti përfshin sisteme pasive mjedisore të avancuara, përfshirë orientim diellor strategjik dhe ajrosje natyrore, duke reduktuar ndjeshëm kërkesën për energji pa cënuar komoditetin e vizitorëve.
Materialet e ndërtimit janë Guri i Beratit, i marrë nga burime vendore, është përzgjedhur për qëndrueshmërinë, rëndësinë lokale dhe për vetitë e tij të shkëlqyera në ftohje pasive dhe efikasitet energjie diellore. /ekofin.al.
Artikull i Ekofin.al
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Artikulli mund të ripublikohet nga mediat e tjera vetëm duke
cituar “Ekofin.al”, shoqëruar me linkun e artikullit origjinal.
