500,000 vende me deri në 10% ulje në fluturime të përzgjedhura drejt dhe nga Tirana, duke filluar nga sot.
Wizz Air, linja ajrore udhëheqëse në mënyrë të padiskutueshme në Shqipëri, ka kënaqësinë të njoftojë nisjen e një oferte të veçantë, e cila ofron deri në 10% ulje në fluturime të përzgjedhura drejt dhe nga Tirana. Ulja është aktive duke filluar nga sot dhe u vë në dispozicion pasagjerëve 500,000 vende me zbritje për udhëtime që realizohen midis 1 shkurtit dhe 31 tetorit.
Si linja ajrore më e madhe dhe më e konsoliduar në Shqipëri, Wizz Air vijon të forcojë angazhimin e saj ndaj vendit përmes një rrjeti që tashmë përfshin më shumë se 60 drejtime nga Tirana. Kjo gamë e gjerë destinacionesh siguron që udhëtarët shqiptarë të jenë më të lidhur me Europën se kurrë më parë, duke përfituar nga çmime të përballueshme, shërbime të shpeshta dhe besueshmëria e një linje ajrore të rrënjosur fort në treg.
Oferta u mundëson udhëtarëve të rezervojnë fluturime drejt disa prej qyteteve më të kërkuara në Europë. Ndër destinacionet e përfshira janë Parisi, Lyoni dhe Nica në Francë; Bari, Roma dhe Milano në Itali; si edhe Barcelona, Madridi dhe Valencia në Spanjë. Pasagjerët mund t’i rezervojnë që tani këto bileta me ulje në wizzair.com dhe në aplikacionin celular WIZZ.
Kjo ofertë me kohë të kufizuar feston praninë afatgjatë dhe investimet e vazhdueshme të Wizz Air në Shqipëri. Qoftë për një arratisje fundjave, një vizite familjare apo eksplorimin e një qyteti të ri, kjo zbritje ofron një mundësi të shkëlqyer për të udhëtuar edhe më lirë, duke përfituar nga rrjeti gjithnjë në rritje i Wizz Air.
“Me këtë promocion, jemi të kënaqur t’u ofrojmë pasagjerëve edhe më shumë mundësi udhëtimi në të gjithë Europën,” u shpreh Vera Jardan, Menaxhere e Komunikimeve Korporative në Wizz Air. “Ne mbetemi të fokusuar në përmirësimin e përvojës së udhëtimit në mënyra domethënëse duke ofruar destinacione tërheqëse, por edhe duke garantuar çmime të përballueshme dhe hapësira zgjedhjeje. I ftojmë pasagjerët tanë ta ‘shfrytëzojnë’ këtë ofertë, të zbulojnë destinacione të reja dhe të fluturojmë së bashku – Let’s WIZZ!”
Aktualisht, linja ajrore ofron një rrjet prej 63 destinacionesh, drejt 61 qyteteve në 20 shtete nga Shqipëria, duke rritur ndjeshëm lidhshmërinë dhe mundësitë e udhëtimit si për banorët, ashtu edhe për vizitorët. Gjatë vitit 2025, Wizz Air operoi pothuajse 31,000 fluturime drejt dhe nga Tirana, duke transportuar mbi 6.5 milionë pasagjerë, me 99.83% të fluturimeve të realizuara, një nga normat më të mira në industri. Që nga nisja e operacioneve në Shqipëri në vitin 2017, Wizz Air ka transportuar pothuajse 20 milionë pasagjerë, ka krijuar më shumë se 500 vende pune direkte për ekuipazhin dhe ka mbështetur mbi 16 mijë vende pune në industri të ndërlidhura.
