Rreth 2300 të vdekur dhe 9000 të plagosur është bilanci që ka lënë pas tërmeti që goditi kufirin mes Turqisë jugore dhe Sirisë. Tërmeti me magnitudë 7.9 ballë mëngjësin e sotëm e kishte epiqendrën në qytetin e Gaziantepit, lëkundjet e tij zgjatën mbi 2 minuta.
Në Turqi, janë konfirmuar 1500 viktima dhe mbi 7600 të plagosur ndërsa në Siri janë konfirmuar 800 viktima, dhe mbi 1280 të plagosur. Vdekjet në Turqi, u raportuan nga Kahramanmaraş, Gaziantep, Şanlıurfa, Dijarbakır, Adana, Adiyaman dhe Malatya. Në Siri vdekjet u raportuan në rajonet e Alepo, Latakia, Hama dhe Tartus.
Pas tërmetit janë regjistruar edhe 8 paslëkundje të fuqishme. Ekipet e kërkim-shpëtimit kanë nisur menjëherë punën për njerëzit e mbetur nën rrënoja. Presidenti turk Recep Tayyip Erdogan shkruan se do ta kalojnë këtë fatkeqësi së bashku.
“Ne do ta kalojmë këtë fatkeqësi së bashku. Shpresojmë që së bashku ta kalojmë këtë fatkeqësi sa më shpejt dhe me sa më pak dëme”, u shpreh Presidenti Turk Erdogan.
Tërmeti i fortë ka dëmtuar jo vetëm banesa por edhe objekte të tjera si kalaja shekullore e Gazintepit e cila ka marrë demtime të mëdh. Ajo është pjesë e trashëgimisë botërore të UNESCOS-s.
Deri tani nuk raportohen shqiptarë të lënduar, por për raste emergjence, qytetarët shqiptarë me banim më zonat e prekura nga tërmeti mund të kontaktojnë në numrat si më poshtë:
Ambasada e Republikës së Shqipërisë Ankara: +90 549 5611985
Konsullata e Republikës së Shqipërisë Stamboll: +90 539 6566219
