Tuneli i Llogorasë do të hapet plotësisht në muajin shkurt të vitit 2023. Kjo është lajmëruar nga ministrja e Infrastrukturës dhe Energjisë, Belinda Balluku gjatë takimit në Pogradec mbi bilancet e qeverisjes vendore me kryetarët e bashkive, ku i pranishëm është edhe kryeministri Edi Rama, ku tha se kanë përfunduar për 7 muaj 2400 m.
“Në tunelin e Llogorasë ka nisur puna me 14 nëntor. Sot ka përfunduar puna në 2400 m. Kjo ecuri e mirë është për shkak të gjeologjisë së mirë. Në fund të muajit shkurt tuneli i Llogorasë prej 5.9 km do të ketë dritë“, tha Balluku.
Tuneli i Llogorasë do të ketë një gjatësi prej 5.9 kilometrash. Ai nis nga ura e Shën Elizës në zonën e Dukatit, deri në urën e Palasës.
