Viti 2021 ka sjellë më pak profesionistë dhe biznesmenë në Shqipëri. Sipas raportit më të fundit të Institutit të Statistikave, në janar – shtator 2021 ka pasur një total prej 73 mijë e 526 hyrje me qëllime biznesi dhe profesionale. Thënë ndryshe, hyrjet për biznes në vend janë ulur me afro 10%, krahasuar me vitin pandemik.
Nga ana tjetër, sipas raportit të deritanishëm të INSTAT, që nga fillim viti, e deri në shtator, dy muajt që kanë rezultuar si më “produktivët” për biznes janë qershori dhe korriku, me afro 10 mijë vizita profesionale secili.
INSTAT flet se nga të gjithë zërat e qëllimit të hyrjes së shtetasve të huaj në Shqipëri, zëri i vetëm i cili ka ndjerë ulje në këtë 9 mujor, është ai i qëllimit për biznes.
Krahasuar me janar – shtator 2020, hyrjet në vend për qëllime personale janë rritur me afro 2 milionë, hyrjet për qëllime fetare me afro 200 vizita më shumë, ndërsa ndalesat transit me afro 100 mijë.
