Mbarë bota është solidarizuar me fatkeqësinë që ka përfshirë Turqinë e Sirinë, si pasojë e tërmetit të fuqishëm mëngjesin e kësaj të hëne. Liderët ndërkombëtarë janë shprehur se janë të gatshëm për t’iu gjendur pranë këtyre vendeve në këto momente të vështira. Grupet e para të kërkim-shpëtimit u nisën nga Holanda.
Presidenti i SHBA-ve, Joe Biden Biden shkruan se ka dërguar një ekip për të monitoruar situatën dhe për të dhënë ndihmën e nevojshme.
“Jam thellësisht i pikëlluar për humbjen e jetëve dhe shkatërrimin e shkaktuar nga tërmeti në Turqi dhe Siri. Unë e kam drejtuar ekipin tim që të vazhdojë të monitorojë nga afër situatën në koordinim me Turqinë dhe të ofrojë çdo dhe të gjithë ndihmën e nevojshme.”- shkroi Biden.
Presidentja e Komisionit Europain Ursula von der Leyen dhe përfaqësuesi i politkës së jashtme të BE, Joseph Borrell kanë shprehur ngushllimet për këtë tragjedi si dhe kanë ofruar mbështëtjen e Bashkimit Evropian.
“Mbështetja e Evropës tashmë është në rrugë e sipër dhe ne jemi të gatshëm të vazhdojmë të ndihmojmë në çdo mënyrë që mundemi”, shkroi Ursula von der Leyen në Tëitter.
“Një tërmet shkatërrues tronditi Turqinë dhe Sirinë këtë mëngjes, duke vrarë qindra njerëz dhe duke plagosur shumë të tjerë. Mendimet tona janë me popullin e Turqisë dhe Sirisë. BE-ja është e gatshme të ndihmojë”, shkroi Josep Borrell, Përfaqësues i Politkës së Jashtme, BE.
Një reagim solidariteti erdhi edhe nga Shtëpia e Bardhë nga Këshilltari i Sigurisë Kombëtare, Jake Sullivan.
“Kam qenë në kontakt me zyrtarët turq për të thënë se ne jemi të gatshëm të ofrojmë të gjithë ndihmën e nevojshme. Ne do të vazhdojmë të monitorojmë nga afër situatën në koordinim me Turqinë”, shkroi Sullivan në Tëitter.
Ndihma në zonat e prekura njoftoi edhe Kancelari gjerman Olaf Scholz.
“Numri i të vdekurve është ende në rritje. U shprehim ngushëllime të afërtme dhe lutemi për personat e bllokuar në rrënoja. Ne do të dërgojmë ndihmë, tha kancelari gjerman në një mesazh në Tëitter?”
Solidaritet dhe gatishmëri për të ndihmuar shprehur edhe kryeministri i Britanisë së Madhe, Rishi Sunak.
“Mbretëria e Bashkuar është e gatshme të ndihmojë në çdo mënyrë që mundet,” shkroi në Tëitter kryeministri britanik Rishi Sunak.
Pas tërmetit tragjik, Greqia dhe Turqia me gjithë mosmarrëveshjet që kanë mes tyre do të qëndrojnë në krah të njëra-tjetrës. Qeveria greke vendosi dërgimin e 25 zjarrfikësve elitarë, për të ndihmuar në kërkim-shpëtimn e të humburve.
Presidenti serb Aleksandar Vuçiç ka shprehur ngushëllimet dhe gadishmërinë për të ndihmuar qeverin Turke. Mesazhe ngushëllimi dhe mbështëtje ka dërguar edhe Presidentin ukrainas Volodymyr Zelensky.
Ndërsa presidenti rus Vladimir Putin i dërgoi një mesazh ngushëllimi homologut të tij sirian Bashar al-Assad për viktimat e tërmetit që goditi veriun e Sirisë dhe i ofroi ndihmë për tejkalimin e pasojave të fatkeqësisë natyrore. Në mesazhin e tij ai shpërfilli Turqinë dhe presidentin Erdogan.
“Dëshiroj të shpreh ngushëllimet e mia të sinqerta për pasojat tragjike të tërmetit në rajonet veriore të Sirisë”, thuhet në tekstin e mesazhit të postuar në faqen e internetit të Kremlinit.
