Kujdes! Është ky apeli që Administrata Tatimore i drejton bizneseve në lidhje me persona që mund të prezantohen si punonjës tatimorë por që s’janë të tillë.
Në një njoftim për mediat, Administrata sqaron tatimpaguesit dhe opinioni publik se punonjësit e Administratës Tatimore ushtrojnë detyrat e tyre funksionale, në zbatim të legjislacionit tatimor në fuqi, duke u identifikuar në subjekte me disa elemente identifikuese si:
- Badge identifikues (Emer/Mbiemër/Foto/Pozicioni i punës/Emërtimi i Drejtorisë)
- Urdhri i punës i firmosur nga drejtuesi i Drejtorisë përkatëse
- Uniformat dalluese me mbishkrimin: Administrata Tatimore.
Të gjithë tatimpaguesit që përballen me persona që nuk kanë këto element, të denoncojnë menjëherë në kanalet e komunikimit të Administratës Tatimore:
Po ashtu të kontaktojnë Qendrën e Thirrjeve, numrin e gjelbër: 08000002.
