Tatimet kanë njoftuar një përditësim të ri sa i përket sistemit E-filing.
Për të lehtësuar tatimpaguesit, tashmë në deklarimin elektronik të TVSh -së, do të ofrohet paraplotësimi i rubrikave të deklaratës me të dhënat nga libri i shitjes dhe blerjes nga sistemi i fiskalizimit.
Këto të dhëna janë të ndryshueshme dhe mund të korrigjohen.
Tatimpaguesit duhet të dorëzojë deklaratën brenda datës 14 të muajit pasardhës të periudhës që po deklarohet.
Administrata Tatimore, gjithashtu, ka një sistem të dedikuar elektronik aplikimi që nga viti 2022 sa i përket rimbursimit të TVSH-së dhe në të gjitha rastet kur bizneset nuk i nënshtrohen kontrolleve të thelluara, ata përfitojnë brenda afateve rimbursimin e TVSH-së.
Gjatë vitit 2024, biznesit iu rimbursuan 22 miliardë lekë.
