Interesat e Bonove të Thesarit shënuan një rritje mjaft të lehtë në ankandin e kësaj jave, duke shfaqur për herë të parë shenja stabilizimi, pas valës rritëse që pasoi ndryshimi i normës së interesit nga Banka e Shqipërisë.
Në ankandin e ditës së martë, bonot me maturim 12-mujor u shitën me një vlerë yieldi mesatar të ponderuar prej 2.28%, me një lëvizje thuajse të papërfillshme nga ana i ankandit më të fundit të mesmajit, prej 2.26%.
Në këtë mënyrë, ky treg duket se ka arritur një lloj qëndrueshmërie, në pritje edhe për të reaguar ndaj ndikimeve të mëjteshme, që janë të lidhura me inflacionin, apo ndërhyrjet e mëtejshme të BSH për normën bazë të interesit.
Norma e interesit të Bonove të Thesarit me maturim 12-mujor përdoret në përgjithësi nga bankat tregtare edhe si interes për kreditë që ato japin. Kjo është reflektuar edhe në një rritje të interesave të kredive për muajt prill dhe maj, ndërkohë që paralajmërohet që të mos ketë një rikthim në kushtet e mëparshme të paktën për periudhën afatmesme.
Ekofin.al
