Shqiptarët preferojnë Volkswagen dhe Mercedes-Benz, ndërsa kamio manuale po njeh një përhapje të gjerë.
Të dhënat e publikuata nga INSTAT për karakteristikat e mjeteve rrugore tregojnë se në fund të vitit 2024, numri i mjeteve rrugore të regjistruara (me status aktiv ose të çregjistruara përkohësisht) arriti në 959.226 mjete, duke shënuar një rritje me 10,5%, krahasuar me vitin 2023.
Autoveturat përbëjnë 80,8% të mjeteve gjithsej. Numri i autoveturave për 1.000 banorë u rrit në 328 (nga 292 në vitin 2023).
Sipas shifrave, qarku i Tiranës ka numrin më të madh të mjeteve rrugore me 34,8%, i ndjekur nga Durrësi dhe Fieri. Durrësi ka numrin më të lartë të autoveturave për 1.000 banorë (483).
Ajo që bie në sy është se 58,8% e mjeteve kanë kambio manuale dhe po kështu vihet re një rritje e ndjeshme e mjeteve të prodhuara pas vitit 2011 me 44,4%. 47,9% e autoveturave kanë moshë mes 11-20 vjet.
Markat më të përhapura Volkswagen dhe Mercedes-Benz mbeten markat më të përdorura të autoveturave. Lënda djegëse dhe elektrifikimi 72,9% e autoveturave përdorin naftë, ndërsa përdorimi i autoveturave elektrike është rritur me 2 herë, krahasuar me vitin 2023. /ekofin.al
