Prej plot dy vitesh, Shtetet e Bashkuara nuk kanë ambasador në Shqipëri. Që prej largimit të Yuri Kim, rolin e përfaqësuesit zyrtar të Washingtonit në Tiranë e kanë mbajtur të Ngarkuarit me Punë, fillimisht David Wisner dhe aktualisht Nancy VanHorn.
Së fundmi, Senati Amerikan njoftoi se propozimi për emërimin e David Kostelancik si ambasador në Shqipëri i është kthyer mbrapsht Presidentit Biden. Kjo, pasi proceduralisht, nëse Senati nuk e ka konfirmuar dhe as refuzuar kandidaturën brenda afatit që ka në dispozicion, ajo kthehet mbrapsht.
Presidenti Biden mund të rinominojë kandidatin e kthyer Kostelancik ose të nominojë një emër të ri për postin e ambasadorit në vendin tonë.
David J. Kostelancik është kandidatura e propozuar nga presidenti amerikan Joe Biden në Janar të vitit 2023 si ambasador të Shqipërisë në SHBA pas largimit të Yuri Kim.
Ndërkohë më 20 Janar do të bëhet betimi i presidentit të ri Trump, ndërsa pritet që të jetë ai që do të emërojë ambasadorin e ri në Tiranë. /ekofin.al
