Sektori i blegtorisë në Shqipëri ka përjetuar një rënie të qëndrueshme gjatë pesë viteve të fundit, e shprehur në numrin e krerëve dhe prodhimin blegtoral. Të dhënat e fundit nga INSTAT tregojnë një ulje të ndjeshme në prodhimin e qumështit dhe mishit. Sipas statistikave, prodhimi total i qumështit ka pësuar një rënie prej 19.1%, ndërsa prodhimi i mishit ka rënë me 13.6% brenda të njëjtës periudhë.
Ndikimi i turizmit në rritjen e konsumit të produkteve blegtorale është i dukshëm, por rënia e prodhimit është gjithashtu rezultat i mbylljes së fermave, kostove të larta, dhe mungesës së subvencioneve. Konkurrenca nga vendet e tjera si Italia, Gjermania dhe Greqia, e cila përfiton nga mbështetje më e madhe për sektorin e blegtorisë, ka bërë që prodhimi vendor të tkurret.
Të dhënat tregojnë se vlera e produkteve bulmetore të importuara arriti në 767 milionë lekë në Gusht, një rritje prej 33% krahasuar me vitin e kaluar. Gjithashtu, për periudhën Janar-Gusht 2023, importet e produkteve bulmetore arritën në 4.5 miliardë lekë, një rritje prej 8% në krahasim me të njëjtën periudhë të vitit të kaluar. Sektori i blegtorisë në Shqipëri po përballet me sfida të mëdha, duke përfshirë rënien e prodhimit dhe rritjen e importit.
