Të ardhurat nga Tatimi mbi Vlerën e Shtuar në importe për 5-mujorin e parë të këtij viti rezultojnë 59.3 miliardë lekë, 13.5 miliardë lekë ose 29.5 % më shumë se një vit më parë, si dhe 3.7 miliardë ose 6.7 % më shumë se plani për periudhën.
Referuar raportit të treguesve fiskalë të publikuar nga Ministria e Financave dhe Ekonomisë, të ardhurat nga TVSH e arkëtuar (neto) në vend, u realizuan në masën 16.6 miliardë lekë, 7.2 miliardë ose 71.1 % më shumë se 5-mujori 2021, si dhe 320 milionë ose 2% më shumë se plani i TVSH për t’u arkëtuar.
Rimbursimet për periudhën 5-mujore 2022 janë 5.6 miliardë lekë, 6.8 miliardë lekë ose 54.8 % më pak se 5-mujori 2021, si dhe 1.5 miliardë lekë ose 20.8 % më pak se plani i rimbursimit të TVSH-së për 5-mujorin 2022.
Rimbursimet për këtë periudhë janë 5.6 miliardë lekë, 6.6 miliardë lekë ose 63.1 % më pak se 5-mujori 2021, si dhe 1.5 miliardë lekë ose 20.8% më pak se plani i rimbursimit të TVSH-së për periudhën janar-maj.
Tatimin mbi Vlerën e Shtuar (TVSH) është një tatim i përgjithshëm mbi konsumin e mallrave dhe shërbimeve, proporcional me çmimin e tyre, që i ngarkohet në çdo fazë të prodhimit dhe procesit të shpërndarjes çmimit pa tatimin.
Tatimit mbi vlerën e shtuar i nënshtrohen, të gjitha furnizimet e mallrave dhe shërbimeve, të kryera kundrejt pagesës, brenda territorit të Republikës së Shqipërisë, nga një person i tatueshëm që vepron si i tillë dhe të gjitha importet e mallrave në territorin e Republikës së Shqipërisë.
