Indeksi i çmimeve të importit është rritur me 10.7%, në 3-mujorin e parë të këtij vitit, krahasuar me tremujorin e parë 2021, bëri të ditur INSTAT, në raportin e publikuar sot.
Sipas INSTAT, ndikimin më të madh në rritjen e çmimeve të produkteve të importuara e ka dhënë energjia elektrike, e cila në raport me vjet është shtrenjtuar me 73.4%INSTAT bën të ditur se, çmimet në seksionin industria përpunuese u rritën me 8,6 %.
Brenda këtij seksioni rritja më e madhe e çmimeve vërehet në produktet e aktivitetit “Përpunimi i koksit dhe rafineria e nënprodukteve të naftës” me 27,1 %, pasuar ngaaktivitetet “Metalurgjia” me 21,3 %, “Shtypshkrimi dhe rigrupimi i mediave të regjistruara” me 18,7 %, “Përpunimi i produkteve ushqimore” me 13,1 % “Prodhimi i mjeteve të tjera të transportit” me 12,7 %, “Prodhimi i drurit dhe produkteve prej druri dhe dushku, përveç mobiljeve; prodhimin e artikujve prej kashte dhe xunkthi” me rritje 10,6 %. Gjithashtu citon INSTAT, “prodhimi i produkteve minerale jo metalike” u rrit me 9,8 %, “prodhimi i produkteve optikë, elektronikë, kompjuterikë” me 9,1 %, “prodhimi i pijeve” me 8,2 %, “prodhimi i kimikateve dhe produkteve kimike” me 7,0 % dhe “prodhimi i mobiljeve” me 5,8 %.
