Qeveria ka miratuar sot vendimet për shpalljen e disa zonave me përparësi zhvillimin e ekonomisë malore në territorin e bashkive Dibër, Memaliaj dhe Tepelenë, në kuadër të zbatimit të ligjit nr. 20/2025, “Për paketën e maleve”.
Vendimet synojnë nxitjen e investimeve, zhvillimin ekonomik dhe turistik, si dhe krijimin e mundësive të reja të punësimit në zonat malore të vendit.
Bashkia Dibër
Në territorin e Bashkisë Dibër janë shpallur 16 zona prioritare, si më poshtë:
a) “Bjeshkët e Korabit”, me sipërfaqe 1 146.11 ha;
b) “Bjeshkët e Hinoskës”, me sipërfaqe 272.02 ha;
c) “Bjeshkët e Gramës”, me sipërfaqe 859.80 ha;
ç) “Bjeshkët e Zimurit”, me sipërfaqe 559.83 ha;
d) “Kodra e Gjaricës (Brezhdan)”, me sipërfaqe 195.72 ha;
dh) “Kallë”, me sipërfaqe 34.32 ha;
e) “Lashkizë”, me sipërfaqe 160.48 ha;
ë) “Lugjej”, me sipërfaqe 626.74 ha;
f) “Lurë”, me sipërfaqe 509.05 ha;
g) “Qa (Prat)”, me sipërfaqe 107.38 ha;
gj) “Sllatinë”, me sipërfaqe 79.62 ha;
h) “Lan–Lurë”, me sipërfaqe 219.35 ha;
i) “Livadhet e Kallës–Vleshë”, me sipërfaqe 868.34 ha;
j) “Lugina e lumit Drin”, me sipërfaqe 971.29 ha;
k) “Selishtë–Luzni”, me sipërfaqe 8 590.19 ha;
l) “Rabdisht”, me sipërfaqe 1 421.12 ha.
Bashkia Memaliaj
Në territorin e Bashkisë Memaliaj janë shpallur 3 zona prioritare:
a) “Arrëz e Madhe–Maricaj–Vagalat”, me sipërfaqe 1 152.01 ha;
b) “Buz”, me sipërfaqe 5 916.22 ha;
c) “Rabie”, me sipërfaqe 1 241.43 ha.
Bashkia Tepelenë
Në territorin e Bashkisë Tepelenë janë shpallur 3 zona prioritare:
a) “Kurvelesh”, me sipërfaqe 9 673 ha;
b) “Lopës”, me sipërfaqe 3 741 ha;
c) “Qendër-Tepelenë”, me sipërfaqe 19 291 ha.
Sipas vendimeve të Këshillit të Ministrave, shtrirja, kufijtë dhe pikat e hyrjes e daljes për secilën zonë përcaktohen në hartat treguese përkatëse, të përgatitura sipas sistemit KRGJSH dhe të bashkëlidhura me aktet ligjore.
Në këto zona do të lejohen veprimtari të zhvillimit ekonomik, industrial dhe turistik, në përputhje me legjislacionin në fuqi dhe planet e zhvillimit vendor.
Për zbatimin e vendimeve janë ngarkuar Ministria e Ekonomisë dhe Inovacionit, Agjencia Shtetërore e Kadastrës, si dhe bashkitë Dibër, Memaliaj dhe Tepelenë. Vendimet hyjnë në fuqi pas botimit në Fletoren Zyrtare.
