Punonjësit e OTP Bank Albania kanë realizuar një nismë solidariteti në mbështetje të individëve dhe familjeve në vështirësi ekonomike, përmes dhurimit të pakove ushqimore të mbledhura gjatë periudhës tetor–dhjetor 2025.
Nisma u zhvillua me angazhimin vullnetar të punonjësve të bankës në të gjithë rrjetin prej 49 degësh në Shqipëri, si dhe në zyrat qendrore në Tiranë. Si rezultat i këtij kontributi të përbashkët, u grumbulluan gjithsej 3,150 kilogramë ushqime, të cilat do të shpërndahen në komunitete të ndryshme në nevojë përmes organizatës “Food Bank Albania”.
Sipas bankës, donacionet janë për familje me vështirësi ekonomike, shtëpi strehimi dhe institucione të kujdesit social, duke mbuluar disa nga nevojat bazë ushqimore për kategori të ndjeshme të shoqërisë, në zona të ndryshme të vendit.
OTP Bank Albania thekson se kjo nismë është pjesë e qasjes së saj ndaj përgjegjësisë sociale, e cila fokusohet në përfshirjen aktive të punonjësve dhe në mbështetjen konkrete të komunitetit ku banka ushtron aktivitetin e saj.
Në këtë kuadër, Drejtori i Përgjithshëm i OTP Bank Albania, z. Bledar Shella, u shpreh:
“Ne besojmë se bankingu nuk ka të bëjë vetëm me shërbimefinanciare, por edhe me të qenit pranë komunitetit. Kur e lançuam këtë projekt në tetor ishim të bindur në suksesin e tij, sepse kjo nismë pasqyron atë që jemi si ekip: të ndjeshëm, tëpërgjegjshëm dhe të angazhuar për të krijuar një ndikimpozitiv, përtej aktivitetit tonë të përditshëm.”
Iniciativa u ndërtua mbi kontributin individual të punonjësve, të cilët morën pjesë në mënyrë vullnetare në mbledhjen e pakove ushqimore, duke e kthyer projektin në një angazhim të përbashkët brenda institucionit.
Bashkëpunimi me “Food Bank Albania” mundëson shpërndarjen e donacioneve në mënyrë të strukturuar dhe transparente, duke siguruar që ndihma të arrijë te përfituesit përfundimtarë sipas nevojave të identifikuara nga organizatat sociale partnere.
OTP Bank Albania bën të ditur se iniciativa të ngjashme do të vijojnë edhe në të ardhmen, në kuadër të politikave të saj të përgjegjësisë sociale dhe angazhimit për të kontribuar në përmirësimin e mirëqenies sociale në vend.
