Lumi Lana në kryeqytet do të vijojë të zgjatohet në anën tjetër të Tiranës, duke nisur nga Pallati me Shigjeta deri në Kashar. Gjatë mbledhjes së Këshillit Bashkiak, kryebashkiaku Erion Veliaj bëri me dije detaje të projektit dhe theksoi se do të rritet vlera e pronës përgjatë tij.
Ndërsa vuri në dukje se asnjë qytetar, banesa e të cilit do të prishet për shkak të projektit, nuk do të mbetet pa u kompensuar me një banesë të re.
Vlera financiare e projektit shkon rreth 12 milion euro. Banka Europiane e Investimeve, ka dhenë 8 milion euro ne formën e një kredie, 1 milion e gjysmë euro grant ndërsa pjesa tjetër do të financohet bashkarisht nga qeveria shqiptare dhe Bashkia e Tiranës.
