Arrorët, frutat, perimet e freskëta në serra, bimët mjekësore etj., janë disa ndër produktet bujqësore shqiptare më të kërkuara për tregjet e huaja.
Ministria e Bujqësisë dhe Zhvillimit Rural ka bërë tashmë një analizë të thelluar të tregut për produktet bujqësore “Made in Albania”, që janë më të kërkuarat në tregjet e huaja për eksport, duke adresuar kështu edhe subvencionim për rritjen e prodhimit të tyre në vendin tonë.
Në buxhetin e vitit 2022, MBZHR i ka përfshirë këto produkte në skemat e mbështetjes kombëtare dhe synon shtrirjen e mbështetjes edhe përmes programit IPARD, teksa po orienton fermerët të investojnë në këto kultura të avantazhuara për eksport.
Politikat e qeverisë dhe fokusi i MBZHR është tek ato produkte që kanë krijuar tashmë rrugën e sigurt të shitjes në treg dhe vazhdojnë të kërkohen nga tregje të reja të huaja, duke u shndërruar kështu në produkte me vlerë ekonomike për fermerin dhe ekonominë e vendit.
Ndërsa MBZHR po punon fort në informimin e mbështetjen e fermerëve për kërkesë- ofertën e tregut bujqësor.
Ndërkohë eksportet bujqësore shqiptare kanë kapur shifrën e 400 milionë dollarëve, shifër kjo e pamendueshme deri 7-8 vjet më parë.
