Në Burrel, gjatë një takimi me qytetarë, Kryeministri Edi Rama shpalosi planin e qeverisë për t’i dhënë zgjidhje strehimit të banorëve, një prej çështjeve më sensitive pas çmendurisë së çmimeve me pronat.
Gjatë vizitës në qytetin verilindor, Rama prezantoi paketat sociale të qeverisë shqiptare, që ofrohen për çdo qytetar në çdo cep të vendit, me fokus fëmijët me aftësi ndryshe, gratë, të rinjtë dhe të moshuarit, duke nisur nga kujdesi shëndetësor, strehimi social, mbështetja për punësim dhe bonuset e veçanta sipas kategorive. Pasi shprehu me krenari faktin që vetëm në Shqipëri shumica dërrmuese e apartamenteve janë në pronësi, kreu i qeverisë u kujtoi qytetarëve benefitet e mëtejme që mund të kenë, nëse vendi pranohet në Unionin Evropian.
“Kini parasysh, eksperienca e të gjitha vendeve që kanë hyrë në Bashkimin Europian ka treguar se në momentin e hyrjes në BE, ka një kapërcim të menjëhershëm të së gjithë vlerës së pasurisë së patundshme. Jemi vendi i parë në Evropë për sasinë e shtëpive dhe apartamenteve që i kemi në pronësi. Kemi rreth 94% të apartamenteve në pronësi”.
E duke folur për strehimin, kreu i PS-së bëri me dije planin ambicioz që gjatë kësaj dekade synohet të ndërtohen 50 mijë banesa, të cilat do të vihen në dispozicion të kategorive që nuk mund të blejnë dot një apartament në kushtet e tregut të lirë. “Kjo do të bëjë që e gjithë kjo pasuri e patundshme e të lin nga shtëpitë, të ndërtojnë një jetë të tyren dhe të kenë një shtëpi të tyren dhe për këtë arsye, siç u tha, kemi një program ambicioz për çështjen e strehimit me disa elegjitha familjeve të rritet në mënyrë të ndjeshme, duke i bërë shumë më të forta themelet e kërkesat për kredi.
Por, ndërkohë rritet edhe numri i atyre që duan të dalin nga shtëpitë, të ndërtojnë një jetë të tyren dhe të kenë një shtëpi të tyren dhe për këtë arsye, siç u tha, kemi një program ambicioz për çështjen e strehimit me disa elementë dhe duam të vendosim një shumë të konsiderueshme si asnjëherë më parë. Tanimë kemi edhe një eksperiencë goxha të vyer me gjithë procesin e rindërtimit, për të adresuar në këtë rrugë, në gjysmën e dytë të kësaj dekade, kërkesa, nevoja për rreth 50 mijë dyer, çelësa, sepse nuk hyjnë vetëm familjet, janë edhe studentët dhe profesionistët e rinj, do të kemi një impakt të rëndësishëm me këtë program të strehimit social”, – u shpreh Rama.
Diçka të ngjashme e ka shprehur më herët edhe ministri i Ekonomisë, Blendi Gonxhja, duke deklaruar se do të ketë 10-fishim të fondeve për programin e strehimit social, duke u dhënë më shumë para bashkive me të ardhura më të ulëta. “Reforma e strehimit social do rimodelohet për të qenë proporcional në mënyrë që t’u japim fonde me shumë bashkive që nuk kanë mundësi, por edhe të ndihmojmë edhe të tjerat. Ka qytete që kanë vend për ndërtime të reja, kemi godina të tjera pronash shtetërore të pashfrytëzuara dhe do vihen në funksion të strehimit”, – deklaroi Gonxhe. /panorama
