Në segmenti rrugor që do të lidh tunelin e Llogorasë me Dhërmiun kanë përfunduar punimet e fazës së gërmimit dhe të mbushjes. Kjo është lajmëruar nga Kryeministri Edi Rama, përmes një publikimi në rrjetet sociale. Rruga Palas-Dhërmi do të reduktojë trafikun si dhe do ti jap zhvillim kësaj zone turistike.
“Mirëmëngjes dhe me kantierin e rrugës Palasë-Dhërmi ku aktualisht janë mbyllur punimet e fazës së gërmimit dhe të mbushjes përgjatë të këtij aksi, që në përfundim do të lidhë daljen e tunelit të Llogorasë me Dhërmiun, duke reduktuar trafikun dhe zhvilluar turizmin bregdetar, ju uroj një ditë të bukur”, shkruan Edi Rama në rrjetet sociale.
Rruga Palasë-Dhërmi, 4.5 km e gjatë do të jetë e një kategorie të lartë për sa i përket sigurisë rrugore, ndërsa pritet të përfundojë në fillim të sezonit të ardhshëm veror. Përveç plotësimit me sinjalistikën e nevojshme, është parashikuar edhe ndërtimi i disa rrugëve sekondare për aksesimin e zonave turistike të banuara. Kostoja për ndërtimin e kësaj rruge kap vlerën e 16 milionë dollarëve.
