Disa ditë pasi Austria vendosi për izolim për të pavaksinuarit ndaj Covid-19, sot ka shpalur një bllokim të plotë kombëtar që do të nisë nga e hëna.
Kancelari Alexander Schallenberg tha se izolimi do të zgjasë të paktën 10 ditë.
Sipas tij, qeveria do të vendosë ligj për vaksinimin nga 1 shkurti 2022.
Keto masa po i përgjigjen një numri rekord të rasteve të reja të infektimeve. Po ashtu, Austria eshte vendi me një prej niveleve më të ulëta të vaksinimit në Evropën Perëndimore.
Shumë vende të tjera evropiane po vendosin kufizime ndërsa shifrat e infektimeve ne vendet e tyre po rriten.
“Ne nuk duam një valë të pestë,” tha Schallenberg pas takimit me guvernatorët e nëntë provincave të Austrisë.
Edhe Kryeministri sllovak Eduard Heger njoftoi se një izolim për të pavaksinuarit do të fillonte nga e hëna dhe se qeveria çeke po kufizon gjithashtu aksesin e tyre tek një sërë shërbimesh.
Udhëheqësit gjermanë kanë rënë dakord të vendosin kufizime për personat e pavaksinuar në zonat me shtrime të larta në spitalet Covid që do të preknin 12 nga 16 landet e Gjermanisë.
