Bordi Drejtues i Shoqatës Shqiptare të Bankave (AAB), kryesuar nga kryetari Bledar Shella, zhvilluan një takim në Tiranë, me përfaqësues të Ministrisë së Financave dhe Ekonomisë, zv.ministrat Adela Xhemali dhe Vasilika Vjero, dhe Arlind Gjokuta, Sekretar i Përgjithshëm.
Në qendër të bisedës ishte adresimi i çështjeve të industrisë bankare që lidhen me ecurinë e zbatimit të projektit të fiskalizimit; emetimin e eurobondit të pestë; projekt-ndryshimet e fundit në ligjin për “Për parandalimin e pastrimit të parave dhe financimin e terrorizmit”; si dhe problematikat e hasura nga zbatimi i ligjit “Për regjistrin e llogarive bankare”.
Gjatë takimit u diskutua dhe mbi mundësinë për bashkëpunim dhe koordinim për çështje të pagesave për shërbimet publike dhe shtetërore nëpërmjet platformës e-Albania, si dhe aksesit në të dhëna të kësaj platforme.
