Partia Demokratike dhe forcat aleate kanë bërë thirrje për një protestë kombëtare, e cila do të zhvillohet sot, më 22 dhjetor, në orën 18:00, përpara Kryeministrisë në Tiranë.
PD u ka bërë thirrje qytetarëve në të gjithë vendin që të marrin pjesë në protestën kombëtare të së hënës, duke e konsideruar atë si një reagim qytetar ndaj korrupsionit qeveritar që ka çuar në përkeqësimin e kushteve të jetesës, pasigurisë dhe mohimit të zgjedhjeve të lira e të barabarta.
Në deklarimet e saj, opozita thekson se rezistenca e Edi Ramës për të bllokuar drejtësinë dhe lejen për arrestimin e zv.Kryeministres Belinda Balluku, kanë çuar opizitën shqiptare drejt protestave.
Opozita thekson se protesta synon të jetë një reagim qytetar dhe paqësor, në mbështetje të drejtësisë së pavarur dhe zgjedhjeve të lira.
Edhe pse protesta e lajmëruar nga Partia Demokratike do të zhvillohet në orën 18:00, bulevardi “Dëshmorët e Kombit” që nga ura e lanës deri sipër te Kryeministria është bllokuar që në mëngjes, duke shkaktuar trafik të rënduar duke vështirësuar qarkullimin në kryeqytet.
