Raporti i OECD për konvergjencën e vendeve të Ballkanit Perëndimor me BE-në e rendit Shqipërinë të fundit në rajon sa i përket infrastrukturës dhe konektivitetir në periudhën 2020-2023. Sipas vlerësimeve të bëra nga Organizata për Bashkëpunim dhe Zhvillim Ekonomik, ekonomitë e Ballkanit Perëndimor shënuan një mesatare prej 41 pikësh në total, ku Mali i Zi pozicionohet si lider në Rajon me 82 pikë ndërsa Shqipëria renditet në vendin e fundit me 11 pikë.
Raporti shënon se densiteti i infrastrukturës rrugore dhe transporti i mallrave përmes hekurudhës janë ndër fushat me performancë të dobët dhe dallojnë shumë nga Bashkimi Evropian, duke zbuluar në këtë mënyrë një hendek të vazhdueshëm të infrastrukturës së transportit. Në këtë komponent, Shqipëria renditet në vendin e fundit në Ballkan, krahasuar me 23.3% të dentisitetit mesatar të BE-së, duke shënuar 7.5%.
Pavarësisht një modeli gjithnjë e më të sfiduar nga perspektivat e anëtarësimit të BE, kostoja e energjisë elektrike mbetet pika më e fortë e rajonit.
Sipas raportit, pavarësisht joefikasitetit të gjeneruar nga nivelet e larta të humbjes së energjisë, Shqipëria shënon vetëm 25.2% duke e bërë ndër humbjen më të vogël në rajon pas Kosovës me 21.8%, nga 49.7% e mesatares së Bashkimit Evropian.
Kryesisht humbjet në rrjet shkaktohen nga vjetërsia e hidrocentraleve dhe pothuajse 50% e kapacitetit të instaluar është më i vjetër se 35 vjet. Humbjet shtesë të karakterit joteknik vijnë si rrjedhojë e kufizimit të rrjetit inteligjent, duke çuar në vështirësi faturimi.
Sa i përket mbajtjes së nivelit së ulët të çmimit të energjisë elektrike, kryesisht për shkak të suportit financiar ndaj prodhimit të elektricitetit me bazë qymyrin, Shqipëria shënon 79.2 nga 100.8% e mesatares së Bashkimit Evropian. Koston më të lartë e shënon Kosova me 148.4%.
Ndërkohë, po sipas OECD, të dhënat për infrastrukturën digjitale në rajon shprehin se investimet lejuan zhvillimin e teknologjisë së fibrave optike, përdorur nga 33.1% e familjeve në 2022. Megjithatë, infrastruktura e internetit të shpejtë ende nuk ka arritur plotësisht në zonat rurale, duke mos siguruar një mbulim gjeografik të lartë. Sidoqoftë, lidhja shërben për 40% të popullsisë rajonale në 2023, ndërsa po të njëjtin vit shënonte 24% për qytetarët evropianë, krahasuar me 46.7% të mesatares së BE-së.
Shqipëria renditet e fundit sa i përket shpejtësisë së broadband me 24.6% dhe gjithashtu shënon përqindje të ulët në përdorimin e celularëve me 76.4%, e dyta nga fundi në rankim, duke lënë pas vetëm Maqedoninë e Veriut me 75.5%.
Mali i Zi kryeson me 150.2% përdorimin e celularëve, të matur për 100 banorë, ndërkohë Serbia kryeson shpejtësinë e broadband në rajon me 62.4%./ekofin.al
