Aktivitetet kulturore gjatë vitit 2024 kanë shënuar një rritje me 9,1% krahasuar me vitin 2023. Kjo gjë bëhet e ditur nga të dhënat e publikuara nga Instat, ku shikohet se vetëm gjatë vitit 2024 janë organizuar 1282 shfaqje dhe premiera në institucionet qendrore të artit. Rritje me 30.7 % ka pësuar edhe numri i vizitorëve në institucionet e trashëgimisë materiale, ku nga 1.314.999 persona gjithsej, 788.270 kanë qenë të huaj.
Numri i vizitorëve në institucionet e trashëgimisë materiale është:
- 468.839 në muze, 19,7% më shumë, krahasuar me vitin e kaluar,
- 344.785 në kala e monumente të tjera, rritur me 27,0%, krahasuar me 2023,
- 501.375 në parqet arkeologjike, 46,2% më shumë, krahasuar me vitin e kaluar.
Shpenzimet publike për argëtim, kulturë dhe çështje fetare
Në vitin 2024, shpenzimet publike për Argëtim, Kulturë dhe Çështje Fetare në raport me PBB dhe në raport me shpenzimet totale kanë shënuar një rënie prej 0,05 pikë përqindje si përqindje ndaj PBB-së, krahasuar me 2023 dhe një rënie prej 0,19 pikë përqindje, si përqindje ndaj totalit të shpenzimeve publike, krahasuar me vitin 2023./ekofin.al
