Pas bonusit për pensionistët dhe ndihmës për punonjësit mbështetës shtetërore, qeveria ka vendosur të akordojë edhe një ndihmë financiare për disa kategori të veçanta. Vendimi ka hyrë tashmë në fuqi dhe është botuar në Fletoren Zyrtare.
Shuma prej 15,000 lekësh do të pëfitohet si mbështetje financiare për vitin 2024 nga:
– familjet dhe individët që trajtohen me ndihmë ekonomike, përfshirë edhe ata që përfitojnë nga fondi shtesë mbi fondin e kushtëzuar për ndihmën ekonomike;
– fëmijët pa kujdes prindëror të vendosur në familje kujdestare;
– personat me aftësi të kufizuara;
– individët përfitues të statusit të invalidit paraplegjik dhe tetraplegjik;
-individët përfitues të statusit, të të të verbrit dhe ndihmësit personalë të përfituesve të pagesave të aftësisë së kufizuar;
Efektet financiare, që rrjedhin nga zbatimi i këtij vendimi, llogariten në shumën 2 166 525 000 (dy miliardë e njëqind e gjashtëdhjetë e gjashtë milionë e pesëqind e njëzet e pesë mijë) lekë dhe përballohen nga fondi për mbështetjen financiare për shtresat në nevojë, miratuar për vitin 2024.
Për zbatimin e këtij vendimi është ngarkuar Ministria e Shëndetësisë dhe Mbrojtjes Sociale.
