Nisja e sezonit veror për çudi “zgjon nga gjumi” autoritetet që kujtohen të veprojnë ndaj paligjmërive. Kjo ka ndodhur së fundmi edhe me Inspektoratin Kombëtar të Mbrojtjes së Territorit që ka nisur një aksion për prishjen e objekteve pa leje në bashkinë e Himarës.
Mbrëmjen e së dielës janë prishur katër objekte në Jalë, ndërsa sot ka nisur prishja e pesë objekteve në zonën e Dhërmiut. Forca të policisë ndodhen në mbështetje të punonjësve të IKMT, ndërkohë që nuk ka pasur deri tani kundërshtime nga pronarët.
Po ashtu, për këtë situatë, pra lejimin e ndërtimeve të këtyre godinave, kreu i bashkisë së Himarës, Tavo ka shkarkuar nga detyra punonjësit e IMTsë.
