Greqia ka nënshkruar këtë të mërkurë marrëveshjen për ndërtimin e një autostrade të re që lidh direkt Janinën me kufirin shqiptar në Kakavie.
Kryeministri grek theksoi se qeveria hap pas hapi po ndërton një Greqi më të lidhur dhe më të mirë, duke garantuar njëkohësisht sigurinë rrugore. “Qeveria jonë ka zhvilluar dhe shpalos një program shumë ambicioz për të zgjidhur një sërë çështjesh të pazgjidhura nga e kaluara, në lidhje me infrastrukturën rrugore dhe ne jemi absolutisht të përkushtuar ndaj këtij qëllimi,” tha Kryeministri Kyriakos Mitsotakis në Kalpaki, Janinë të mërkurën.
Kryeministri ishte i pranishëm në nënshkrimin e kontratës për ndërtimin e një zgjatimi të autostradës së Jonit (Ionia Odos) nga Janina në Kakavijë, në kufirin greko-shqiptar.
Lidhur me rrugën e re, Mitsotakis vuri në dukje se qeveria kishte arritur ta drejtonte këtë proces këtë deri në maturim dhe përmes një procesi tenderimi dhe tani gjithçka u finalizua me nënshkrimin e kontratës.
Ai tha se rruga Janinë-Kakavijë do të jetë vendimtare për zhvillimin më të gjerë të rajonit dhe krijimin e një lidhjeje më të mirë me Shqipërinë.
“Epiri, i cili dikur ishte i izoluar, është sot ndoshta rajoni më i lidhur, me autostradën Egnatia, autostradën e Jonit dhe sigurisht me projektin shumë të rëndësishëm, E65 që është drejt përfundimit.
Ne presim që të gjithë E65 do të dorëzohet në përdorim brenda katër muajve të parë të vitit 2026”, tha kryeministri. Kjo do të thotë që ju do të jeni në gjendje t’i afroheni Janinës nga dy rrugë të ndryshme dhe sigurisht që, për Metsovën, do të jetë shumë më shpejt të vini nga E65″ shtoi Mitsotakis./Business Daily
