Në vigjilje të përvjetorit të Pavarësisë, qeveria e Shqipërisë dhe ajo e Kosovës do të zhvillojnë ne Elbasan mbledhjen e radhës të përbashkët, në vijim të një tradite disa vjeçare.
Kjo është mbledhja e 7 e përbashkët mes dy qeverive. Në këtë mbledhje pritet të nënshkruhen disa marrëveshje të rëndësishme.
Dy marrëveshje janë miratuar tashmë nga qeveria shqiptare dhe kanë të bëjnë me njohjen e ndërsjelltë të pensioneve. Po ashtu, një marrëveshje tjetër ka të bëjë lejet e qëndrimit të shtetasve respektive.
Shtetasit e Kosovës, sipas marrëveshjes, do të marrin thjesht me një aplikim dhe pa dokumente menjëherë lejen e qëndrimit për 5 vite në Shqipëri dhe brenda saj do të jetë edhe leja e punës. e njëjta praktike do të ndiqet edhe për shtetasit e Shqipërisë që duan të punojnë në Kosovë.
Në këtë mbledhje, pritet që të ketë një rishikim tëtë gjitha marrëveshjeve të nënshkruara deri tani në mbledhjet e mëparshme të përbashkëta. Në total, janë 86 marrëveshje që janë lidhur mes dy vendeve.
