Me një biletë prej 9 eurosh në muaj, që nga 1 qershor e deri në fund të gushtit, në Gjermani mund të udhëtosh në trena vendorë, rajonalë, autobusë dhe tramvaj në të gjithë territorin. Revolucioni “lou cost”, i kërkuar nga qeveria e kancelarit Olaf Scholz, është një reagim ndaj rritjes së cmimit të energjisë elektrike, por do të shërbejë dhe për reduktimin e emetimeve të dioksidit të karbonit; si dhe do të lehtësojë trafikun rrugor.
Gjermanët, të mësuar të përdorin automjetin, pasi në Gjermani mjetet publike të transportit janë shumë të shtrenjta, kanë reaguar me kërkesa rekord për këtë biletë prej 9 eurosh. Brenda pak ditësh janë shitur 7 milion të tilla.
Kjo ulje cmimi e biletës për transportin publik u kërkua me ngulm nga të Gjelbërit, të cilët mbështesin koalicionin e qeverisë së bashku me socialdemokratët dhe liberalët. Nga ana tjetër qeveria gjermane do të kompensojë kompanitë e transportit me 2.5 miliard euro.
Tarifa e palëvizshme prej 9 eurosh në muaj do të lejojë udhëtime të pakufizuara me anë të transportit publik, të gjithë territorin e vendit për 30 ditë. Po rnga kjo nismë janë përjashtuar trenat me shpejtësi të lartë.
Bileta mund të blihet dhe online duke e shkarkuar nëpërmjet aparatit celular. Ata që kanë abone mujore ose vjetore nuk duhet të bëjnë asgjë pasi do të marrin një njoftim automatik nga operatori përkatës i transportit.
Fëmijët deri në 6 vjec do të udhëtojnë falas, ndërsa për fëmijët nga 9 deri në 14 vjec duhet një biletë 9 euroshe. Biletën mund ta blejnë dhe të huajt që gjenden në Gjermani për pushime ose për punë.
