Ditën e sotme u miratua projektbuxheti në komisionet parlamentare për vitin 2024, i cili e kalon shifrën e 7 miliardë eurove. Komisioni i Ekonomisë miratoi sot nen për nen projektbuxhetin duke pranuar dhe kërkesat e disa institucioneve për shtim fondesh, por dhe punonjësish. Projektbuxheti u miratua pa asnjë votë kundër dhe abstenim.
Në total janë pranuar 19 kërkesa të institucioneve për shtim buxheti dhe 2 kërkesa për shtesa punonjësish pa ndikim në rritjen e fondeve, të cilat në total arrijnë vlerën e 1,1 miliardë lekëve. Ndërsa, amendimet e bëra nga Partia Demokratike janë rrëzuar të gjitha. Hapi i rradhës pas miratimit në komisione është kalimi i projektbuxhetit 2024 për miratim në Parlament.
Në seancën e datës 7 dhjetor, pritet që projektbuxheti të votohet nga përfaqësuesit e mazhorancës socialiste.
