Në kuadër të Ditës Ndërkombëtare të Personave me Aftësi të Kufizuara, Ministrja e Shëndetësisë dhe Mbrojtjes Sociale, Albana Koçiu foli për mbështetjen që kjo kategori gjen në vendin tonë.
Nëpërmjet rrjeteve sociale, ministrja bëri me dije se janë rreth 165 mijë persona që mbështeten në vit nga programi i aftësisë së kufizuar. “Hartimi i politikave në rritjen e cilësisë së shërbimit ndaj kësaj kategorie si dhe integrimi i tyre me të drejta të barabarta në tregun e punës, prioritet i qeverisë dhe MSHMS”, theksoi Koçiu.
Mbështetje do tu sigurohet personave me aftësi të kufizuar dhe kujdestarëve të tyre, të cilët do të përfitojnë pagesa nga fondi prej 17.9 miliardë lekë, pjesë e buxhetit 2024 për MSHMS. Vlen për tu nënvizuar se aftësia e kufizuar, vec të tjerash është edhe çështje e të drejtave të njeriut.
