Ministri i Financave dhe Ekonomisë, Ervin Mete zhvilloi sot një takim me ambasadorin e Suedisë në Tiranë, Niklas Ström. Mete bëri të ditur se gjatë takimit u bisedua mbi bashkëpunimin ekonomik mes dy vendeve dhe projektet e asistencës në një sërë fushash.
“Theksuam rëndësinë për thellim të mëtejshëm të marrëdhënieve dhe bashkëpunimit, me fokus rritjen e tregtisë mes dy vendeve”, u shpreh ministri Mete.
Sipas ministrit, institucionet shqiptare mund të përfitojnë shumë nga eksperienca dhe praktikat më të mira të Suedisë sa i përket mbrojtjes sociale për grupet vulnerabël, politikat e nxitjes së punësimit, si edhe fusha të tjera të zhvillimit ekonomik. Suedia është një prej donatorëve kryesorë të vendit tonë dhe mbështetëse e integrimit në Bashkimin Europian.
