Ministria e Infrastrukturës dhe Energjisë ka nxjerrë për konsultim Strategjinë Kombëtare të Rinovimit të Stokut të ndërtesave, kjo në kuadër të planit kombëtar të Energjisë dhe Klimës.
Sipas Strategjisë, furnizimi me energji primare në Shqipëri në vitin 2023, me një total prej 2,194 ktoe, është dominuar nga produktet e naftës (52.4%), hidroenergjia dhe importi neto i energjisë elektrike (31.7%), drutë e zjarrit (6.34%), qymyri (5.93%), gazi natyror (1.77%) dhe energjia diellore (1.6%), që përfshin sistemet diellore të ngrohjes së ujit dhe sistemet fotovoltaike (PV),
Konsumi i përgjithshëm i energjisë nga stoku i ndërtesave në Shqipëri (përfshirë ndërtesat rezidenciale, publike dhe private) përbën 33-34% të konsumit total të energjisë në vend dhe pothuajse 80% të konsumit total të energjisë elektrike për vitin 2023.
Stoku i ndërtesave të Shqipërisë (përfshirë stokun e ndërtesave rezidenciale, publike dhe private) ka një peshë prej rreth 37-38% të konsumit total final energjetik prej 2,194 ktoe në vitin 2023 dhe është konsumatori i parë më i madh i energjisë me 37.08% i ndjekur nga sektori i transportit me 36.56% në Shqipëri.
Numri i ndërtesave qe do të duhet të rinovohen për të realizuar dekarbonizimin (emetim zero/ose gati zero) është e barabartë me rreth 8200 ndërtesa deri në 2050 dhe investimi në sasinë e stokut të ndërtesave të banimit në Shqipëri përafërsisht për këtë qëllim është 16.5 miliardë euro deri në vitin 2050.
Duke marrë parasysh kostot specifike të investimit të rinovimit për sektorin publik dhe masat e ndryshme të EE/RE që kërkohen për të siguruar ndërtesa shumë efikase/me emetim zero, investimi i parashikuar i pritshëm duhet të dekarbonizojë sasinë e stokut të ndërtesave publike të Shqipërisë. 1.45 miliardë euro deri në vitin 2050, nga të cilat 795 milionë euro për ndërtesat e qeverisë qendrore dhe 655 milionë euro për ndërtesat publike të nivelit komunal.
Do të nevojiteshin 53 milionë euro për të rinovuar rreth 300 ndërtesa publike të qeverisë qendrore deri në vitin 2026.
Ndërsa për dekarbonizimin e ndërtesave rezidenciale të Shqipërisë do të duheshin 6 miliardë euro deri në vitin 2050.
Një shumë totale prej 3.8 miliardë euro do të kërkohej për të përmbushur objektivat e rinovimit deri në vitin 2030, një shtesë prej 7.1 miliardë euro për periudhën 2031 – 2041 dhe afërsisht 13 miliardë në periudhën 2041 – 2050 për të arritur dekarbonizimin e përgjithshëm të stokut të ndërtesave në Shqipëri, në totalin e nevojave për investime prej rreth 24 miliardë euro./ekofin.al
