Në takimin konsultues të organizuar nga qeveria me një grup përfaqësuesish të bizneseve mbi të shumë përfolurën ditët e fundit “amnistinë fiskale”, Ministri i Drejtësisë, Ulsi Manja ka dhënë katër arsye se përse duhet ajo. Sipas Manjës sot janë kapacitetet e duhura administrative dhe tatimore për të mbikëqyrur si duhet këtë proces ndërsa ka renditur 4 arsyet se pse duhet kjo amnisti.
1-Reforma në drejtësi ka krijuar mekanizmat e duhur ligjorë për të pasur një amnisti të plotë fiskale. Sot Shqipëria ka një kuadër të plotë ligjor për të parandaluar pastrimin e parave
2-Sot kemi kapacitete e duhura administrative dhe tatimore për të mbikëqyrur si duhet këtë proces
3-Shqipëria nga 1 maji ka hyrë në digjitalizimin të të gjitha shërbimeve publike, për shkak të këtij digjitalizimi jemi në gjendje ta monitorojmë si duhet këtë proces
4-Rama e ka bërë qartë që ne do bashkë-qeverisim me qytetarët. Këshillimi Kombëtar ishte një proces konsultimi që më pas ta kthejmë dhe në nismë ligjore. Pyetja që nëse doni që paratë e emigrantëve të legalizohen, 66% ju përgjigjën pozitivisht.
