Sipas të dhënave të bëra publike nga Instat në vitin 2024, indeksi vjetor i çmimeve të prodhimeve bujqësore arriti në 149,6 nga 142,8 që ishte në 2023, duke shënuar një rritje me 4,8 %.
Po ashtu bëhet me dije se gjatë këtij viti, indeksi i çmimeve të prodhimeve bimore shënoi rritje me 9,1 %, gjithashtu rritje ka shënuar edhe indeksi i çmimeve të prodhimeve blegtorale me 0,4 %, krahasuar me një vit më parë.
Indekset e çmimeve të prodhimeve bujqësore llogariten bazuar në standartet dhe rregullat e përshkuara
në Manualin e Çmimeve të Produkteve Bujqësore të Eurostat. Çmimet mblidhen nga Anketa Mujore për
Produktet Bujqësore në të gjithë territorin e Republikës së Shqipërisë. Mbledhja e të dhënave kryhet
pranë fermave. tregjeve të gjësë së gjallë. tregjeve të shumicës dhe vende të tjera ku prodhimet bujqësore
mund të grumbullohen. Informacioni merret vetëm për çmimet në nivel ferme për produktet vendase.
duke përjashtuar taksat.
Prodhimet që krijojnë bazë për indeksin e çmimeve të produkteve bujqësore janë ndarë në dy grupe
kryesore: Prodhimet bimore dhe ato blegtorale. Për prodhimet bimore. çmimet janë grumbulluar për këto
grupe: drithëra. bimë industriale. bimë foragjere. perime. patate dhe drufrutorë. Për prodhimet blegtorale.
çmimet janë grumbulluar për mishin peshë e gjallë dhe prodhimet blegtorale.
Viti 2024 ishte relativisht pozitiv për bujqësinë, ku vihet re një rritje e përgjithshme e prodhimit. Referuar të dhënave të INSTAT, diferenca më e madhe vërehet te prodhimi i ullirit, pas një viti të vështirë 2023, ku rritja ishte afro 25%. Rritje kanë shënuar thuajse të gjitha kulturat bujqësore, ku në veçanti bie në sy rritja e prodhimit në serra me 4%. /ekofin.al
