739,640 qytetarë kanë përfituar falë akteve normative për zgjatjen e afateve të vlefshmërisë së Certifikatës së Kontrollit Teknik.
Drejtoria e Përgjithshme e Shërbimeve të Transportit Rrugor, bën të ditur se, rikonceptimi me afatet e reja për Kontrollin Teknik të Mjeteve Rrugore, vetëm në dy vjet, nga kalimi i këtij shërbimi në DPSHTRR, për periudhën Maj 2021 – Maj 2023, solli përgjysmim të numrit të paraqitjes për testim të detyruar dhe ulje radhësh në QKT.
Sipas DPSHTRR-së, 1,758,896,230 lekë kanë kursyer në total qytetarët falë akteve normative për zgjatjen e afateve të vlefshmërisë së Certifikatës së Kontrollit Teknik, ku: 1,254,091,930 ALL kursime direkte vetëm nga lehtësimet e entit, tarifa, pagesa dhe 504,804,300 ALL kursime të tjera, përfshirë kostot si: angazhim, kohë, karburant.
DPSHTRR gjatë kësaj periudhe ka investuar dhe vijon të investojë për rehabilitimin e të gjitha QKT-ve, modernizimin e linjave të kontrollit, optimizimin e sistemit operativ dhe monitorimin, përditësimin e pajisjeve dhe digjitalizimin, krijimin e kushteve optimale për qytetarët dhe punonjësit, përmirësimin e cilësisë dhe motivimin financiar përmes rritjes së konsiderueshme të pagave, pa rritur asnjë tarifë shërbimi, ndërsa lehtësojmë e kursejmë qytetarët/subjektet, duke rritur eficiencë e mirëadministrim.
DPSHTRR njofton qytetarët të rezervojnë online orarin për kontrollin teknik të mjetit në e-Albania!
