Muajt e fundit është shkruar, folur e diskutuar shpesh për krizën energjetike. Është fakt se çmimet e energjisë në të gjithë Botën janë rritur dhe ekonomitë familjare kanë nisur të paguajnë fatura më të shtrenjta për konsumin e energjisë. Kjo ndikuar kryesisht nga lufta e zgjatur mes Rusisë dhe Ukrainës, por edhe nga disa faktorë të tjerë. Në Shqipëri, u diskutua dhe ende është në diskutim opsion i vendosjes së një fashe konsumi për ato familje që konsumojnë më shumë se 700 ose 800 kë në muaj, duke i tarifuar me çmime më të larta.
Por edhe pse jemi në mesin e një situate të pazakontë, kur edhe ankandet e blerjeve të energjisë bëhen me baza ditore, në rastin më të mirë 5-ditore, për shkak edhe të ndryshimeve të shpeshta të çmimeve në tregjet ndërkombëtare, kjo nuk e ka ndaluar Korporatën Elektroenergjetike Shqiptare (KESH) të realizojë një shpenzim të pazakontë, me fond limit 5500 euro, për të shfaqur vetëm një ditë në një media gjermane, logon e saj. Për më shumë, lexoni më poshtë, njoftimin e KESH:
Ftesë për Negociata
Autoriteti Kontraktor KESH sh.a do të zhvillojë procedurën publikimit të logos, sloganit dhe faqes ëeb të shoqërisë, me qëllim : “Promovimin e aktivitetit të Korporatës Elektroenergjitike Shqiptare dhe sektorit energjitik shqiptar në kuadër të takimit të G7 dhe mbledhjeve të Këshillit Evropian që do të zhvillohen në muajin Qershor 2022 “., në një nga organet e shtypit të shkruar dhe atë online në Republikën Federale Gjermane.
Nevoja për kryerjen e botimit: Drejtoria e Ceshtjeve Social-Mjedisore dhe Marrëdhënieve me Publikun në KESH sh.a , me Memon nr. 2196 prot., datë 09.05.2022 , ka kërkuar realizimin e publikimit në një media gjermane të logos, sloganit dhe faqes ëeb të shoqërisë me qëllim promovimin e aktivitetit të shoqërisë.
Shpeshtësia e shfaqjes së reklamës: 1 (një) ditë gjatë muajit Qershor 2022.
Përmbajtja: Logo, slogani dhe faqja ëeb e shoqërisë KESH sh.a, në përmasa 77 mm gjerësi dhe 40 mm lartësi, me ngjyra.
Fondi limit i përcaktuar: 5500 euro (pesë mijë e pesëqind) euro;
Afati i fundit për paraqitjen e konfirmimeve nga organet e masmedias / agjencitë e specializuara është deri më dt. 20.05.2022, në orën 15:00, në adresën email të personit përgjegjës binjaku@kesh.al
Ekofin.al
