Fillimi i javës dhe njëkohësisht edhe periudhës së pikut, kur kursi i këmbimit nis të ndikohet edhe nga faktorët sezonalë, siç është turizmi, duket se nuk ka sjellë asnjë ndryshim.
Valutat kryesore kuotohen thuajse në të njëjtat nivele si edhe në mbyllje të javës së kaluar. Euro në fakt ka javë që nuk lëviz në vlera, as nuk bie poshtë kufirit psikologjik prej 100 Lekësh, por as nuk ka rritje të ndjeshme në këmbimin e saj me Lekun.
Sot, më 15 korrik 2024, në tregun valutor, dollari amerikan blihet me 91.6 lekë dhe shitet 92.6 lekë. Euro sot blihet me 99.9 lekë, ndërsa në shitje me 100.5 lekë.
Paundi britanik sot blihet me 118.7 lekë dhe shitet me 119.7 lekë. Franga zvicerane këmbehet sot në blerje me 102 lekë, në shitje me 103 lekë. Dollari kanadez sot në blerje këmbehet me 66.9 lekë dhe në shitje me 68 lekë. Ekofin.al
