Bashkimi Evropian do të përfaqësohet në Shqipëri me diplomaten Christiane Hohnann. Ajo do të zëvendësojë ish ambasadorin Luigi Soreca, i cili u largua nga Shqipëria rreth një muaj më parë për të marrë një pozicion të ri të rëndësishëm në Shërbimin Evropian të Veprimit të Jashtëm.
Christiane Hohnann aktualisht është ambasadore e Gjermanisë në Estoni dhe më parë ka shërbyer si ambasadore gjermane në Bosnje dhe Hercegovinë. Pas diplomimit, ajo u punësua në Ministrinë e Jashtme Federale në Berlin dhe nga viti 1994 deri në 1997 në Ambasadën në Shtetet e Bashkuara të Amerikës. Në vitin 2016 Christiane Hohmann zëvendësoi Christian Hellbach si Ambasador i Republikës Federale.
Delegacioni i Bashkimit Evropian në Republikën e Shqipërisë është një mision diplomatik i përhershëm. Delegacioni u krijua ne vitin 1993, kur Komisioni Evropian vendosi të zgjerojë Zyren e tij me të Dërguar Special, në një Delegacion të plotë i cili reflektonte zhvillimet demokratike pozitive të cilat ndodhen në atë kohë.
Detyrat kryesore të Delegacionit janë si më poshtë:
Lehtësimi i zhvillimit të marrëdhënieve politike dhe ekonomike ndërmjet BE-së dhe Shqipërisë, në kuadrin e procesit të Stabilizim Asocijimit, e cila është strategjia që ndihmon Shqipërinë në rrugën e saj drejt integrimit në BE.
Menaxhimi i programeve të asistences së BE-së.
Shprëndarja e informacionit mbi BE-në, informimi i publikut të gjerë shqiptar, vendimarrësit dhe opinion-bërësit lidhur me procesin e integrimit, institucionet e BE-së dhe politikat e saj.
