Qershori është një muaji i duhur për të gjithë ju që dëshironi të mbillni bimë në oborre apo ballkonet tuaja. Disa nga bimët që mbillen gjatë këtij muaji janë, borziloku, karrota, kungujt. Për ti mbjellë këto bimë do duhet të ndiqni këto rregulla:
Borziloku
Borziloku ka nevojë për ngrohtësi dhe sistem të mirë kullimi në saksinë e përzgjedhur. Në një saksi mbillni 3-4 fara borziloku dhe mbulojini me dhe të ushqyer me pleh organik. Saksinë vendoseni në një vend me dritë deri në çeljen e fidanëve. Kur moti të jetë përfundimisht i ngrohtë, saksinë zhvendoseni jashtë në ballkon. Gjatë ujitjes sigurohuni që gjethet të mos i lageni.
Karrotat
Farat e karrotave duhen mbjellë në një thellësi rreth 1 centimetër dhe në rreshta. Filizat duhet të qëndrojnë 2 centimetra larg njëri tjetrit ndërsa duhet ta ujisni rregullisht. Karrotat mblidhen kur të kenë arritur përmasat e duhura gjë që ndodh 7 deri në 10 javë pas mbjelljes së farës.
Kungujt
Farat e kungullit futini në saksi mbulojini me dhe, dhe sipër saj vendosni nga një kavanoz qelqi që të siguroni nxehtësinë e duhur deri sa të çelin filizat. Më pas bashkë me kavanozin hiqni edhe filizat më të dobët. Sigurohuni që farat t’i keni mbjellë në hapësirë nga njëra tjetra. Ujitja duhet të jetë e rregullt ndërsa përmasa e saksisë sygjerohet të jetë e madhe.
