Investimet e huaja direkte në vendin tonë gjatë tremujorit të tretë të këtij viti prekën shifrën më të lartë që prej tremujorit të katërt të vitit 2019.
Banka e Shqipërisë bëri të ditur se, gjatë korrik-shtator 2021, fluksi total i investimeve të huaja direkte shënoi 250.86 milionë euro.
Në tremujorin paraardhës, kjo shifër fiksohej pranë 233.86 milionë euro.
Krahasuar me tremujorin e katërt të vitit 2019 ky tregues fiksohej në 272.04 milionë euro.
Sipas BSH-së, flukset e investimeve të huaja direkte gjatë kësaj periudhe, sipas shteteve, renditen në vend të parë Italia, me 41.9 milionë euro, duke regjistruar vlerën më të lartë që prej tremujorit të tretë të vitit 2019.
Në vend të dytë ndërkohë, renditet Holanda me 35.3 milionë euro.
