Të dhënat zyrtare, tregojnë se përgjatë 15-ditëshit të parë të këtij muaji janë kryer më pak se 100 mijë doza vaksine, ose rreth 6 mijë vaksina në ditë. Konkretisht, muaji tetor u mbyll me 1 909 861 vaksina të aplikuara, ndërsa dje shifra e të vaksinuarve shkoi në 2 000 104, pra janë 90 243 doza të injektuara në harkun e 2 javëve. Prej tyre 28 088 janë doza të treta apo përforcuese.
“Vijon vaksinimi masiv në pikat e përqendruara te vaksinimit, në qendrat shëndetësore, poliklinika si dhe nëpërmjet njësive të lëvizshme në komunitet në kuadër të aksionit kombëtar “Derë më derë”.
Prej fillimit të vaksinimit janë kryer në total 2,000,104 doza të vaksinës ndaj COVID-19. 1,047,822 doza të para; 924,194 doza të dyta; 28,088 doza të treta. Vaksinimi ndaj COVID-19 është i hapur për të gjithë personat +16 vjeç si dhe fëmijët +12 vjeç me probleme të sistemit imunitar.
Ka filluar vaksinimi me dozën e tretë të vaksinës për personelin shëndetësor, për qytetarët +60 vjeç me sëmundje kronike, si dhe për personat +18 vjeç me frenim të imunitetit”, bën me dije Ministria e Shëndetësisë.
