Instituti i Vjenës për Studime Ekonomike Ndërkombëtare (WIIW) rishikoi me rritje parashikimet për ecurinë ekonomike të Shqipërisë në vitin 2023.
Projektimet e WIIW për rritjen ekonomike të Shqipërisë në vitin 2023 janë 3.3 %, nga 3 % që ishin në raportin e vjeshtës.
“Ekonomia shqiptare shfaqi një elasticitet të jashtëzakonshëm në vitin 2022, me një normë rritjeje prej 4.8%, e nxitur nga një sezon turistik i shpejtë, flukse të fuqishme hyrëse të IHD-ve dhe konsumi i fortë i familjeve, si pasojë e rritjes së të ardhurave reale”, thuhet në raportin e pranverës, të publikuar nga WIIW.
Në raport vlerësohet se inflacioni në 2023 pritet të zbresë në 4 % nga 6.7 % që ishte në 2022, që shënonte edhe nivelin më të ulët në rajonin e EQLJ.
“Inflacioni ishte më i ulëti në të gjithë rajonin e EQLJ-së, mesatarisht 6.7%, por është ende i lartë sipas standardeve të vendit. Ky vit do të jetë i ngjashëm me vitin 2022, me rritje të pritshme prej 3.3% dhe inflacion prej 4%.
