Gjatë muajit mars 2022, është shënuar rritje e numrit të vizitorëve gjithsej me 53,7 %, krahasuar me marsin e 2021-shit.
Sipas raportit të INSTAT-it, numri i vizitorëve rezident të cilët janë akomoduar në rajonin e jugut ka shënuar rritjen më të lartë prej 98,1 %.
Në zonat bregdetare ky tregues është rritur me 2 herë, krahasuar me të njëjtën periudhë të vitit të mëparshëm.
Referuar statistikave, në muajin mars, numri i netë qëndrimeve gjithsej është rritur me 2,1 herë, në krahasim me muajin mars 2021. Ndërsa numri i netë qëndrimeve të vizitorëve rezident të cilët janë akomoduar në rajonin e jugut ka shënuar rritjen më të lartë me 2 herë. Në zonat bregdetare ky tregues është rritur me 2,4 herë, krahasuar me të njëjtën periudhë të vitit të mëparshëm.
Numri i shtetasve të huaj që kanë hyrë në territorin shqiptar gjatë tre muajve të parë të këtij viti llogaritet 671.210.
Të dhënat e publikuara nga INSTAT-i, tregojnë se në vendin tonë hynë 157.366 qytetarë, ose 30 % më shumë se e njëjta periudhë e 2021-shit.
Sipas INSTAT, nga vendet që kanë hyrjet më të larta të shtetasve në Shqipëri, Greqia ka pasur rritjen më të madhe me 5 herë, ndërsa Kosova ka pasur rënien më të ndjeshme me 9,5 %, krahasuar me të njëjtën periudhë të vitit 2021.
