Aktiviteti i fondeve private të pensioneve ka vijuar rritjen edhe gjatë tremujorit të parë të vitit 2022. Sipas të dhënave të bëra publike nga Autoriteti i Mbikëqyrjes Financiare, për tremujorin e parë të vitit aktual, në treg kanë ushtruar aktivitet 4 fonde pensioni.
Vlera totale e aseteve të anëtarëve të fondeve private të pensioneve arriti në afro 40 milionë euro, ose mbi 48 miliardë lekë në 31.03.2022, duke shënuar një rritje prej 5.95%, ose rreth 273 milionë lekë më shumë sesa fundviti 2021.
Rritje ka patur edhe sa i përket anëtarëve të këtyre fondeve, ku numri në fundmars ka arritur në 34,555 anëtarë, me një rritje prej 2.93% krahasuar me 31.12.2021. Tregu vijon të dominohet nga Sigal Pension, sa i përket vlerës së aseteve neto, ndërsa për numrin e anëtarëve udhëheqës Credins Pension.
Edhe pse ka shënuar rritje nga viti në viti, tregu i pensioneve private në Shqipëri mbetet në nivele modeste. Së fundmi ka dalë për konsultim publik një projektligj i ri për fondet private të pensioneve, i cili përmes krijimit të disa lehtësirave fiskale synon të stimulojë më shumë zhvillimin e këtyre fondeve.
Ekofin.al
