Euro e mbyll javën me një zhvlerësim të mëtejshëm, duke zbritur në pikën më të ulët historike në këmbimin me Lekun, 97.88. Nisja e sezonit veror dhe rritja e flukseve të turistëve të huaj, kanë nisur të japin impakt në një zhvlerësim të mëtejshëm të monedhës evropiane, që e nisi këtë javë me kurs këmbimi 97.93 me Lekun.
Ndërsa këtë të premte, sipas kursit zyrtar të Bankës së Shqipërisë, një euro u këmbye me 97.88 lekë, shifra më e ulët e regjistruar ndonjëherë.
Në përgjithësi në muajt e parë të këtij viti, monedha evropiane ka patur një lloj stabiliteti në kursin e këmbimit, duke u luhatur në intervalin 98-99 lekë, ndërsa tani ajo po zbret edhe nën kufirin e 98 lekëve, duke vijuar zhvlerësimin e mëtejshëm. Pritshmëritë janë për një zhvlerësim të mëtejshëm të monedhës evropiane gjatë muajve të verës, ndikuar nga efektet e përhershme sezonale. /ekofin.al
