Bonusi i pranverës, i parashikuar për mbi 730 mijë pensionistë, edhe pse u miratua në mbledhjen e Këshillit të Ministrave të datës 9 janar 2025, nuk do të nisë shpërndarjen në muajin shkurt.
Ekofin.al mëson se bonusi do të akordohet së bashku me pensionet mujore, duke nisur nga data 1 mars 2025.
Sipas asaj që është bërë publike tashmë nga Kryeministri, si edhe nga Ministri i Ekonomisë Blendi Gonxhja, në daljen e tij për mediat pas mbledhjes së Qeverisë në 9 janar, të moshuarit me pension deri në 20 mijë lekë do të përfitojnë 10 mijë lekë bonus, kurse ata që e kanë pensionin mbi 20 mijë lekë do të përfitojnë bonusin 5 mijë lekë.
Sipas vlerësimeve, bonusin me vlerë 10 mijë lekë e marrin 524 mijë pensionistë, për shkak se numri më i madh i pensionistëve janë në fashën e pensionit nën 20 mijë lekë.
Në fund të vitit të kaluar qeveria akordoi një tjetër bonus për pensionistët, ku për pjesën më të madhe të pensionistëve, ata me pensionet nën 20 mijë lekë, Qeveria akordoi 15 mijë lekë bonus, ndërsa për pjesën tjetër, bonusi ishte në vlerën e 10 mijë lekëve.
Në nëntor të vitit të kaluar, Qeveria nisi një aksion kundër informalitetit të pagave, që cilësohet si një arsyet kryesore për pensionet aktuale, që kanë mbetur në nivele të ulëta. /ekofin.al
1 Comment
Pingback: Ekofin.al e paralajmëroi që në janar, Kryeministri: Ja kur nis shpërndarja e bonusit për pensionistët - Ekofin